 |
| مقارنة بين سامسونج a24 و سامسونج a15 |
مقارنة بين سامسونج a24 و سامسونج a15
مبدايا كده أول وجه للمقارنة بين موبايل سامسونج a15 و سامسونج a24 هو قوة وجودة الكاميرات لان كاميرات كل موبايل فيهم جايه بدقة 50 ميجا بكسيل مع وجود كاميرات الترا وايد بدقة 5 ميجا وماكر وبدقة 2 ميجا وكاميرا للسلفي بدقة 13 ميجا وبالتالي اكيد هتاخد جودة صورة مع تفاصيل ممتازة ولما نستعرض الصور دلوقتي قدامك هتشوف مين يتفوق علي مين ولا التنين نفس الجودة ونفس الدقة
مقارنة الكاميرات a15 ضد a24
- الفرق صعب جدا يبان واكيد بسبب ان السينسور اللي موجودة هي هي وبرضه هو هو المعالج هو هو وكذلك السوفت وير واحد وكذلك الشاشة هي هي بالنسبالك طبعا في عرض الصور ودقة الوانها وبالتالي النتيجة هتكون واحد واكيد زي ما هو اضح تفاصيل ممتازة لكل كاميرا وافضل ما يميز سامسونج بصراحة هو السيطرة علي ال dynamic rang باحكام واضح جدا سواء الكاميرا الامامية او الخلفية وده اللي واضح قدامك دلوقتي
- وبصراحة انا منبهر جدا باداء السامسونج ايه 15 بالتحديد لانه فئة اقتصادية انما السامسونج اي 24 فهو فئة متوسطة فلو عاوز رأيي مين افضل من مين في الكاميرات احب اقولك بناءا علي تجربتي للموبايلين الفرق قليل جدا لان زي ما قولتك باختصار نفس الهاردوير ونفس السوفت وير وبالتالي النتيجة هتكون واحد ولا ايه رأيك
- ولكن ملحوظة مهمة جدا ان الكاميرا الامامية في a15 فتحة العدسة بتاعتها f/2 انما ال a24 فتحتها f/2.2 وده معناه ان تفاصيل الكاميرا الامامية في a15 هتكون افضل بشكل نسبي ( شرح فتحة العدسة ) متنساش بقي اللايك للفيديو للشرح ده
- وديه تقريبا من اهم نقاط المقارنة بين الجهازين لذلك فضلت اني ابدأ بيها اول حاجة
مقارنة المعالجات بين a24 و a15
- معالج السامسونج اي 15 جاي من ميدياتيك هيليو جي 99 وكذلك معالج السامسونج اي 24 جايب ميدياتيك هيليو جي 99 وده معناه ان معالجين الموبايلين نفس بعض بدون اي فرق كل معالج فيهم بمعماريه 6 نانومتر مع سوفت وير مستقر جدا ومتوافق مع المعالجات دي وطبعا احنا عارفين سوفت وير سامسونج عامل ازاي بالتحديد مع معالجات الميدياتيك ولكن خلاصتا كده المعالجات ممتازه جدا هتشغل لك لعبه ببجي على الترا فريم ريد على 40 فريم بير سكند طبعا اداء ممتاز ومقبول في فئه متوسطه وكمان في اقتصاديه ولكن رايي انا بما ان المعالجات زي بعض فالنتيجة اكيد هتكون واحد بس خد بالك السامسونج ايه 15 انا شايفه يتفوق يتفوق ليه لانه اقل في السعر الموبايل ده اقتصادي اقل من سعر الاي 24 وطبعا هنتكلم عن موضوع الاسعار دي بعد شويه زي ما قلت لك
- ولكن الشيء المدهش ان الايه 15 حقق تقاط اعلي علي انتوتو بينش مارك لانه محقق 414606 نقطة
- انما ال a24 حقق 396233 نقطة فقط في الاختبارات النهائية الفرق مش كبير اه ولكن كنتيجة اختبار اداء مذهلة ولا انت شايف ايه يانجم
الفرق بين السوفت وير في a15 و a24
- ولو جينا نتكلم بقى عن السوفت وير فعندك الموبايل السامسونج اي 24 جايب اندرويد 13 مع وجهه ال 1 يو اي 5 الا بقي لو جلك التحديث الجديد بينما السامسونج 15 بيتفوق لانه جاي باندرويد 14 الجديد مع الواجهه الممتازه والمميزه one ui 6 وان شاء الله باذن الله في اقرب وقت هعمل فيديو مخصص للواجهة العظيمة ديه
- كفاية بس اني اعرفك حاجة من مميزاتها وهي انك بتقدر تحول اي نص لكلام والعكس من اي فيديو او اي محتوي كتابي او مرئي علي الموبايل عندك بس خلينا نركز في المقارنة اللي احنا فيها الاول
- واضح جدا ان السامسونج اي 15 يتفوق في نقطه الواجهه والسوفت وير بالتحديد لانه في بعض الحاجات بيعتمد فيها على الذكاء الاصطناعي زي السلسله الجديده من سامسونج
تصميم a15 و a24
- نتكلم بقى شويه عن التصميم من الاخر كده موبايلات سامسونج بصفه عامه تصميمها واحد بتشوف الموبايل من سامسونج بتعرف ان ده موبايل سامسونج
- ولكن خذ بالك تصميم السامسونج اي 15 جاي مستوحى بشكل كبير جدا من سلسله سامسونج الجديده اللي هي الاس 24 السلسله الجديده ما فيش اي انحناءات في الاطراف الموبايل جاي حاد من جميع الاطراف باستثناء الزوايا العليا والسفلى فيهم دوران كده شكله باين في التصميم
- ولكن السامسونج اي 24 في دوران في ظهر الجهاز كده فيه كيرف موجود على الاطراف وكذلك برده في بروز ده انا ما شفتوش في اي موبايل من سامسونج حرفيا في بروز كده موجود مش عارف هل عشان يحمي الشاشه ولا ايه ولكن في بروز عالي في ارتفاع للفريم زي ما انت شايف مش عارف اخد بالك ولا لا في ارتفاع باين وده انا حرفيا ما شفتوش في اي موبايل ثاني من سامسونج غير السامسونج اي 24
- تصميم الموبايلين من الاخر كده شبه بعض بشكل كبير نفس خامات التصنيع خامه بلاستيكيه ولكن شبه وملمس الزجاج ولكن خذ بالك بيتبصموا ويتخدشوا بكل سهوله اي موبايل فيهم
- الجدير بالذكر برضه ان الايه 24 وزنه 195 جرام يعني اخف شوية من الايه 15 لانه 200 جرام ولكن متركزش اوي يعني 5 جرام حاجة لا تذكر ... الا في الذهب هاه
الفرق بين شاشة samsung a15 و samsung a24
- تعالي بقى نتكلم عن ثالث وجه مقارنه وهو الشاشات
- الاتنين 6.5 بوصة بدقة fhd+ مع تردد عالي 90 هرتز من نوع سوبر اموليد
- ومن الاخر كده شاشات سامسونج عظمه الموبايلين جايين بشاشات من نوع اموليد ولكن في تفوق هقول لك عليه دلوقتي لصالح السامسونج اي 24 على السامسونج اي 15
- بس خليني الاول اقول لك ان الوان الشاشتين زي بعض ما فيش اي فروقات بين الالوان بتاعه الشاشتين في عرض المحتوى في الالعاب في اي حاجه هتديك اداء مرضي جدا مع تردد عالي لكل موبايل بيوصل ل 90 هرتز تردد محترم في فئه متوسطه وفئة اقتصاديه
- بالاضافه كمان انهم من نوع اموليد فانت معاك شاشات عظمه وقلنا قبل كده ان شاشات سامسونج بالتحديد من نوع اموليد لا يعلى عليها وصعب اي شركه تنافسها
- ولكن ولكن في نقطه بيتفوق فيها السامسونج اي 24 عن السامسونج اي 15 وهي نقطه الشاشة الدائمة عندك انت موبايل السامسونج اي 24 بيدعم تقنيه او خاصيه الالويز ان ديسبلاي
- ولكن الموبايل السامسونج اي 15 بالرغم ان الشاشه برده من نوع اموليد ما فيهوش اولوز وللاسف النقطه دي لاحظت ان هي مش موجوده في الشرق الاوسط ولكن موجوده في الاصدارات اللي نزلت بره يعني الموبايلات السامسونج اي 15 اللي بره فيها التقنيه دي ولكن كشرق اوسط ما فيهاش اكيد هي مقفوله من خلال السوفت وير وباستخدام اي تحديث هتكون متاحه ان شاء الله
- وفي نقطه كمان مهمه جدا في الشاشات نقطه النيتس السامسونج 124 جايب 1000 نتس رقم قوي جدا في الفئه المتوسطه انت عارف يعني ايه 1000 نتس رقم رهيب
- ولكن السامسونج اي 15 جاي ب 800 نتس فقط ايه الفرق بين الاثنين مش كبير قوي ولكن على كل التفوق واضح حتى على الاقل رقم للسامسونج 24
- نقطة مهمة جدا تعرفها ان طبقات الحماية اللي علي الشاشات مجهولة الهوية او من غير طبقة حماية اصلا
فرق البطاريات a15 vs a25
- النقطه اللي بعد كده نقطه البطاريات كل موبايل جايب بطاريه بساعه 5000 مللي امبير
- عارف انت كده من الاخر اللي انا شايفه انا حاسس ولكن عارف انت الاخوات التوام اللي كل اخ فيهم بيختلف في بعض الحاجات في الطباعه هي نفس الفكره كل موبايل كده هتلاقيه ليه حاجه خاصه
- المهم بطاريات الاجهزه دي جايه في سيد 5000 ميلي امبير زي ما انا قلت مع شحن بقدره 25 وات لكل جهاز فيهم والشاحن غير مرفق في العلبه
- واحب اكرر واقول لك اني عملت فيديو قبل كده للشواحن اللي تشتريها بالتحديد لموبايلات سامسونج بدايه من اول 200 جنيه لحد 1000 جنيه انصحك بالتاكيد تشوف الفيديو ده هيكون مهم جدا هسيبه لك في علامه الاي وهيظهر في اخر الفيديو
- ولذلك لو انت مش مشترك معانا في القناه فاعتقد انك فايتك كثير فانصحك بالاشتراك دلوقتي لانه مجاني قبل ما اخلي الاشتراك بفلوس لا يا عم بهزر معاك في ايه يا راجل ده لو الاشتراك بفلوس هعمله ببلاش عشان خاطركم
- المهم وقت تشغيل موبايلات دي او البطاريات بتقعد معايا قد ايه يعني الموبايلين زي بعض تقريبا البطاريات هتقعد حوالي يعني من ثمان ل 10 ساعات بشكل مرتاح مع ضغط وشغل على الجهازين
الحساسات والاضافات
- نخش على النقطه المهمه اللي بعد كده نقطه الاضافه والحساسات مبدئيا كده الموبايلين بيدعموا الانفسي وده طبعا ممتاز جدا لان المستقبل كله زي ما قلنا للدفع الا تلامسي
- مع وجود برده راديو كل موبايل فيهم
- مع مايم لعزل الضوضاء وبصراحه انا شايف ان ده ممتاز وبالتحديد في السامسونج اي 15 لان موبايل اقتصادي واقل من السامسونج اي 24 في السعر
- ولكن خد بالك حساسات المكالمات في الموبايلين جايين سوفت وير مش هارد وير فلازم تغطي الجزء ده كويس جدا وانت بتتكلم علشان او بتسمع ريكورد وتساب علشان يعني الشاشه تطفي معاك
- انما في نقطه تتفوق فيها السامسونج اي 24 على اللي هي 15 في وجود البيروسكوب بالرغم ان الجيروسكوب ضعيف في الاداء ولكن موجود جيروسكوب في اللي هي 24 انما ليه 15 ما فيهوش الجيروسكوب
- ولكن الموبايلين فيهم حساسات التسارع الدوران البوصله والبصمة اللي جايه في زر الطاقة
- سامسونج a24 فيه حساس اضاءة انما التاني مفيهوش
الشبكات والواي فاي
الاتنين زي بعض مفيش اي فروقات بينهم برضه سامسونج حتي الان مقدمتش موبايل قوي في
التقاط الشبكات ولا الواي فاي
سعر موبايل سامسونج a24 و a15
تعالى بقى نتكلم عن الاسعار من الاخر كده السامسونج اي 24 اقل نسخه موجوده فيه بتعمل حوالي 9500 جنيه اللي هي رام 4 مساحه 128 بينما السامسونج اي 15 اقل نسخه موجوده اللي هي رام 4 مساحه 128 فدي بتعمل حوالي في الوقت الحالي كده 7500 جنيه تقريبا الموبايل سعره زاد في خلال فتره قليله ولكن خذ بالك بقى لان في فرق هيبقى قليل جدا بين النسخه الثمانيه مساحه 256 في السامسونج اي 15 ونسخه 6 128 بالنسبه للسامسونج اي 24 ففي الحاله دي لا انا ارشح ان انا اجيب السامسونج اي 15 لان الفرق قريب بينهم
ولذلك بصراحه انا برشح وبقوه السامسونج اي 15 لو انت مش فارقه كتير يعني بعض الاضافات اللي قلناها لصالح السامسونج اي 24 لاني السامسونج اي 15 بيقدم مواصفات قويه جدا مقابل التسعير ما تنساش اشوف الفيديوز اللي قلت لك عليها وقول لي تحب تشوف تحب نعمل مقارنه بين مين ومين او نشتري موبايل ايه