الغباء يتم صناعته من البشر، كما هو الذكاء الاصطناعي والذي يبهر العالم بتطوراته ، ولكن قوانين الغباء البشري ، تبدوا مبهرة اكثر، وكما حدثنا البرت اينشتاين ، في مقولته الشهيرة ، بانه لاحدود للغباء البشري .
بسبب جلاكسي اس 23 الترا انهيار سد بالكامل
في شخص يدعي (Rajesh vshwas) وهو يعمل مفتش في الامن الغذائي بالهند ، كان في نزهة مع بعض اصدقأئه وبيتصور معاهم صورة سيلفي ، والكلام ده كان عند واحد من اكبر السدود المائية وذلك في احدي المدن الهندية ، وفجاة وقع موبايله في المية ، وكان نوعه غالي جدا ، جلاكسي اس 23 الترا.
- طبعا الراجل اتضايق جدا، وراح كلم مسئول كبير في مصلحة الري، في الهند واستأذنه انه يدورعالمويايل بتاعه، راح المسئول وافق علي شرط ان Vshwas ياخد شوية من ليترات من مية السد، وده عشان يعرف يدور كويس عليه، طبعا الراجل فرح وراح جاب جردل وفضل ياخد من المية ويرميها عالارض، لحد ماصفي السد خالص وده بمقدار مليون لتر، وكل ده عشان يلاقي المويايل بتاعه، وفي الأخر بعد مجهود كبير لقي الموبايل اللي كان عبارة عن حتة حديدة ملهاش اي لازمة ومش بيفتح.
- استنوا لسة الموضوع مخلصش الراجل لقي الناس اتجمعت، وكانوا متضايقين اوي من اللي عمله، راح كلمهم وقالهم اسمعوا ياجماعة، انتوا ليه زعلانين، المية اللي رشتها عالارض، هتلطف الجو من الحرارة، وكمان هتخلي الفلاحين يعرفوا يزرعوا، والمية الباقية عادي ممكن تتبخر مع حرارة الجو الشديدة.
موضوع تاني غبي جدا!
- دخل شخص امريكي في سوبر ماركت في محطة بنزين في اميركا ورفع سلاحه وكان مسدس اسود وخوف الكاشير، واخد منه مبلغ 300 دولار وهرب بسرعة فبلغوا الشرطة بعد كام ساعة من الموضوع ده
- الشرطة دورت عليه ولقته في باركينج قريب جدا من البنزينة ومعاه السلاح اللي هدد بيه الكاشير والسلاح طلع اصلا مسدس من نينتيندو، اللي كنا بنلعب بيه زمان لعبة صيد البط القديمة
- والمذهل في الموضوع ان المسدس كان لونه برتقالي وهو دهنه اسود، وده عشان يعيش دور المجرم بس في الاخر اتقبض عليه وراح السجن
- والقصة دي حقيقية ومصدرها من تويتة، من حساب الشرطة الموجودة في مقاطعة يورك الأميريكية.