مقارنة نارية بين realme 10 و samsung a24
الكاميرات
اولا حابب ابدأ بالريلمي ١٠ فهو يأتي بكاميرتين فقط الرئيسية بدقة ٥٠ ميجا مع فتحة عدسة f1.8 ونشوف صورها دلوقتي وبالنسبة للكاميرا الثانية فهي بدقة ٢ ميجا وديه لقياس العمق فقط يعني هنا الموبايل يفتقر الي كاميرا الوايد واللي هي مهمة في الوقت الحالي وكذلك عدسة ماكرو اما عن السامسونج اي ٢٤ فهو مزود ب٣ كاميرات الرئيسية بدقة ٥٠ ميجابيكسل مع فتحة عدسة f/1.8 نفس العدسة بالضبط ولكن مزود برضه بعدسة وايد بدقة ٥ ميجابكسل مع عدسة ماكرو بدقة ٢ ميجا ، اما الكاميرا الأمامية فالريلمي١٠ يأتي ب ١٦ ميجا مع فتحة عدسة f2/5 وسامسونج جاي بعدسة بدقة ١٣ ميجا فقط مع فتحة عدسة f2.2 واحب افكرك بالكلام اللي قولته قبل كده وهفضل اقوله سيبك من الأرقام الأرقام مش كل حاجة والصور هتثبت كلامي دلوقتي ديه صور للجهازين وأعتقد أن الكاميرا الرئيسية للسامسونج تتفوق بشكل نسبي وملحوظ خصوصا في التعامل مع الدينامك رينج بالرغم ان الاتنين نفس العدسة وكمان نفس المعالج يعني منطقيا المفروض ان النتيجة تكون واحدة ولكن احب اقولك ان السوفت وير ليه دور كبير جدا في المعالجة انت شايف الصور بنفسك وحكم معالج المناطق شديدة الاضاءة وغيره من التفاصيل وبصراحة مش حابب اتكلم كتير عن الكاميرا الخلفية لانهم مهما كان متقاربين من بعض ولكن اللي يستدعي الكلام بصراحة الأمامية اللي ضايعة خالص في الريلمي ١٠ وانا بصراحة مش فاهم ازاي السوفت وير العظيم بتاع ريلمي مش قادر يتعامل بصورة افضل من كده الهاي لايت ضايع بصراحة وده شيء مؤسف علشان كده قولتلك مش كل حاجة الأرقام تعالي كده نشوف طريقة معالجة سامسونج للداينمك ريج والواي لايت بص بقي بنفسك كده ده سكرين شوت انا اخدته قبل التقاط الصورة واضح جدا ان الدينامك مش ظابط ولكن بعد التقاط الصورة يجي بقي دور المعالجة العظيم الي قادر يتعامل معاه سامسونج اي ٢٤
الاتنين بدعموا التصوير لحد ١٠٨٠ و ٣٠ فيرم للثانية وكذلك دعمهم للحركة البطيئة
التصميم والوزن
الشاشة
- بالنسبة لنوع الشاشة فالريلمي ١٠ سوبر اموليد مع تردد يصل الي ٩٠ هرتز مع طبقة حماية من جوريلا جلاس ٥ والشكل العام للشاشة بالنسبة لريلمي اكيد عصري اكتر وأحدث وخصوصا تصميم النوتش والحواف في الريلمي افضل بكتير زي ما هواضح ونسبة الاستحواذ في الريلمي ١٠ تصل الي ٨٢ % وكثافة بكسلات ppi تصل الي ٤١١ مع دعم الشاشة ل ١٦ مليون لون مع سطوع او نتس يصل الي ١٠٠٠ نتس وده رقم ممتاز هيخليك تستخدم الموبايل تحت اشعة الشمس بدون اي مشاكل
- اما عن السامسونج من نوع سوبر اموليد مع عدم وجود طبقة حماية علي الشاشة ولكن سامسونج تتفوق في شاشتها عن باقي الشركات في كل حاجة وده لاحظته كتير واتكلمت فيه قبل كده مرارا وتكرارا وريفريش ريت ٩٠ هرتز وتصميم الشاشة قديم وغير مفضل لدي الجميع مع نسبة استحواذ ٨٤% وكثافة بكسلات ٣٩٦ بكسل لكل بوصة مع دعم الشاشة ل ١٦ مليون لون والملحوظ هنا ان شاشة سامسونج ارعض ويمكن في فئة من الناس تفضل ده للالعاب ومشاهدة المحتوي والنسبة لسطوع الشاشة بيوصل ل ١٠٠٠ نيتس ولكن خد بالك اني لاحظت سطوع سامسونج اقوي وده اعتقد يرجع لليدات والبانل المستخدم في تكوين وتصنع الشاشة الريلمي برضه سطوع شديد اثناء التجربة ولكن رأيي الشخصي ان السامسونج تتفوق
معالج والأداء
- الموبايلين نفس المعالج بالضبط بدون اي فروقات او اختلافات فالمعالج هنا من ميديا تك هيليو جي ٩٩ مع رسومي مالي جي ٥٧ اي سي ٢ بمعمارية تصنيع ٦ نانو متر معالج ممتاز ومتميز في توفير الطاقة ومعالجة الرسوميات والمهام اليومية
- ولكن لو حابب تتعرف علي ارقام انتزتز بينش مارك احب اقولك ان ارليلمي حقق عليه ٤٠٠ الف نقطة
- بينما السامسونج حقق ٣٥٠والف نقطة يعني في فرق ٥٠ الف نقطة واحنا اتفقنا قبل كده ان الارقام مش كل حاجة والتجربة الفعلية هي اللي بتثبت
- بص انا جربت الجهازين ومن رأيي الشخصي ان لو في تفوق نسبي فانا هقولك لصالح الريلمي بسبب السوفت وير السوفت وير هنا بيقدر يتعامل مع كل قطع الهارد وير وبيعمل ربط او اوبتميزيشن بكل روعة بصراحة وده ميقللش اطلاقا من الاداء الممتاز للسامسونج ولكن بقول رايي عن تجربة ودايما بحس ان سوفت ريلمي متفوق بصراحة في التعامل مع الالعاب
- الاتنين بتقدر تلعب عليهم ببجي بمعدل من ٣٠ الي ٤٠ اطار للثانية الواحدة والجهازين برضه مبيسخنوش سخونة مفرطة اثناء الالعاب وده اكيد يرجع لذكاء المعالج في التعامل مع البطارية والرسوميات يعني السخونة بتتراوح من ٣٠ الي ٣٥ درجة مئوية
الشبكات
- مبدئيا كده الجهازين لايدعموا الفايف جي 4g فقط
- بالنسبة لشبكات الريلمي كاتصال او واي فاي ممتازة وديه عادة مجموعة bbk اللي بتضم اوبو و ريلمي وفيفو و وان بلاص شبكات بصراحة فوق الممتاز خصوصا مع اسستخدام معالجات من ميديا تك
- اما عن السامسونج كشبكات اتصال و واي فاي احب اقولك ان الشبكة طبيعية مش وحشة ولكن الواي فاي انا شخصيا بعاني لان الشبكات البعيدة بيقطع الاتصتال بيها بالرغم اني معايا موبايل من ريلمي وانفنكس مهما الشبكة بعدت لحد النطاق المسموح بيفضل متصل بيها فاكيد في تفوق واضح للبشكات في موبايل ريلمي
البطارية
- الاتنين ٥٠٠٠ ميلي امبير ولكن يختلف قدرة الشحن الريلمي ١٠ شحن سريع جدا بقدرة ٣٣ واط وبالتالي زمن الشحن اسرع وكمان الميزة ان الشاحن معاه في العلبة
- بينما السامسونج ٢٥ واط فقط وديه عادت سامسونج حتي مع الفلاجشيب وبالرغم من ذلك لا يوجد شاحن مرفق بداخل العلبة وده اكيد يعطي تفوق واضح وصريح للريلمي ١٠
- الجهازين عمر البطارية اليومي ممتاز وبيرجع لحسب استخدامك الشخصي
اضافات هامة
- السامسونج يدعم nfc الريلمي حسب الدولة
- الاتنين بيدعموا خطين في نفس الوقت
- البوصلة موجودة في الاتنين
- مايك عازل الضوضاؤ موجود
- الموبايلين مونو وليس استريو
- الجهازين غير مقاومين للماء ولا الغبار باي معيار
- حساس المكالمات في الريلمي ١٠ هارد وير وده بان في التجربة اما السامسونج فهو سوفت وير فقط ولكن متقلقش سامسونج عظيمة وممتازة في الموضوع ده السوفت مبيغلطتش
- الريلمي ١٠ لايدعم تسجيل المكالمات ولكن السامسونج بيدعم
- الريلمي ١٠ بيجي باندرويد ١٢ والسامسونج اندرويد ١٣
- الفلاش ليد ممتاز في الجهازين ولكن في سامسونج اقوي
- سامسونج بتتمتع بوجود راديو في السوفت وير والريلمي لا