لو فاكر انك جربت سماعة جيمينج قبل كده احب اقولك انت غلطان اهدي بس اهدي وبلاش تعصب لان السماعة اللي جيبهالك النهاردة اللي عملاها اصلا شركة عملاقة في مجال صناعة الموبايلات الموجه للألعاب فما بالك بقي لما تعمل سماعة ومش اي ساعة ده كان للألعاب اكيد هتبهرك واكيد هتكون سماعة كاملة الأوصاف وهتاخد منها احسن تجربة جيمين في حياتك كلها
 |
| Red magic earbuds |
مواصفات سماعة ايربودز ريدماجيك
سماعة ريد ماجيك من انتاج شركة نوبيا وهي من افضل السماعات بلاشك من وجهة نظري اللي مبنية علي خبرة في عالم السماعات الموجه للألعاب وده لان مفيش تأخير في الصوت ستريو اكيد فخم ومحترم مفيهوش غلطة مده تشغيل بتوصل ل٢٠ ساعة حرفيا وده مش كلام وخلاص زي الشركات اللي بتصنع منتجاتها تحت السلم
- تعالي بقي نقول بسم الله ونفتح العلبة بسم الله
- حابب بس اقولك حاجة بخصوص اليوزر مانيوال لانه اول حاجة هتشوفها في وشك علطول الكلام اللي بيقعد يتقال في الفيديوز ده كتيب ملهوش لازمة ويرميها والكلام الفارغ ده
- احب اقولك ان فيه كل حاجة تخص المنتج ومن غيره انت بتروح تفتح فيديوهات كيفية استخدام المنتج الفلاني إقراء الكتيب كويس لأن اللي صنعها افضل اكيد من اللي بيقول كيفية الاستخدام
- إقراء الكتيب بنفسك الأول وبعدها روح شوف الفيديوز اللي انت عاوزها يا صحبي
تصميم سماعة red magic
المهم ما علينا خلينا نشوف السماعة نفسها ..... واو ماشاء الله ايه الجمال ده فخامة الشعار لوحدها بتاخدني لعالم تاني عالم الجيمينج وبالمناسبة الشعار ده في ناس بتقولي انه قريب من الشعار الخاص بيا اللي والله عامله من بدري ومش في دماغي خالص شعار ريد ماجيك بس احب اقولك خليك فاكر اللوجو ده كويس اوي لأنك هتشوفه في يوم من الايام علي منتجاتي بإذن الله وده مش كلام في الهوا ادعيلي انت بس بالتوفيق
- نتكلم شوية مع بعض عن تصميها اللي بصراحة كلمة فخامة قليلة عليه
- تصميم عصري ومستقبلي مختلف كليا عن اللي موجود حاليا في السوق
تجربة صوت وألعاب سماعة red magic
تعالي بقي نجرب الصوت بتاعها الأول قبل ما اجربها في الالعاب مفيش غلطة صوت نقي بيز محترم مع الحفاظ علي مستوي السمع ولكن انصحك بلاش تعليه علي الاخر الجزء اللي بينور ده سينسور للتحكم في مشغل الموسيقي وأثناء تشغيل المشغل بتنور بشكل روعة بصراحة تجربت الصوت من افضل السماعة اللي جربتها ولما بتشيل السماعة من اذنك بتوقف التشغيل وترجع تشتغل لما ترجعها في اذنك تاني وديه مش حاجة مميزة لان كل السماعات بتعمل كده وعلي فكرة نادرا لما حاجة بتعجبني بالشكل ده بس هي تستاهل فعلا
زمن تشغيل سماعة جيمنج ريد ماجيك
انا جربت السماعة لمدة ساعة كاملة من الساعة ٢.٣٦ الي ٣.٣٦ وطبعا اكيد الساعة الكاملة ديه السماعة مش في ودني لان ده اكيد غلط علي السمع وهيبة أضرار وحاليا بجهز فيديو لمخاطر استخدام سماعات الاذن علي الأجزاء الداخلية للاذن فخلي بالك لحين نزول الفيديو ده علشان تعرف الأضرار تبقي شاب عمرك ٢٠ سنة وتلاقي سمعك ضعيف وصعب جدا يرجع قوي تاني
- السماعة خلال ساعة كاملة فقدت ١٠ في الميه منها لحد ساعة الاربع كانت لسه ١٠٠% وانا شايف ان ده مقبول
- تجربة الالعاب كانت ممتازة مفيش تأخير لأنها موجه اصلا للجيمر