افضل الموبايلات المستعملة حاليا
في ظل الظروف ديه اللي بنمر بيها من غلاء الاسعار ونقص خامة السيليكون فكتير ممنا فكر في الموبايلات المستعملة وعشان كده قررت اكتب الكلام اللي انت بقراءه دلوقتي،فخلينا بقي نتكلم عن افضل الموبايلات المستعملة اللي تفكر فيها لو رايح تجيب موبايل مستعمل سواء من محل او عن طريق الفيس بوك او اوليكس او غيره،فلازم تفكر كويس اوي في حاجات كتير قبل ماتشتري،زي مثلا المعالج ونوع الشاشة وبرضه البطارية وشوية حاجات تانية زي الرام والروم مثلا،وخلينا نبدأ باول حاجة وهي المعالج لانه هم حاجة فعلا.
- اولا المعالج:
فالمعالج انا بعتبره بالضبط زي مخ الانسان لانه هو المسؤل عن كل حاجة خاصة بالموبايل اي اشارة كهربائية داخلة او خارجة لاي جزء في التليفون هو المسؤل الاول عنها،لذلك ابعد عن اي جهاز المعالج بتاعه قديم زي مثلا معالجات ميديا تك هيلو (p30/p35/p22/a20/a22) وبرضه معالجات سناب دراجون زي مثلا ( sd450 ) وده من اشهر معالجات سناب دراجون في الفئات الاقتصادية. ابعد عنها لانها فعلا بتضعف مع الوقت غير انها اصلا ضعيفة في الاداء العام.
- ثانيا نوع الشاشة:
ابعد عن الشاشات ال hd بس لان دقتها ضعيفة وهتتعب نظرك وهي بالفعل بتتضعف مع الوقت ود موبايل مستعمل في الاول والاخر وبرضه لو نوع الشاشة TFT ده نوع سئ جدا ولا انصح بيه لا في موبايل جديد ولا في موبايل مستعمل.
- ثالثا البطارية:
البطارية من اخطر المكونات داخل الموبايل انا دايما بقول عليها القنبلة الموقوتة لانها فعلا لو اتعاملت معاها بدون احتراف ممكن لا قدر الله تؤدي لانفجار كبير وده فعلا حقيقي وللاسف حصل مع ناس كتير وفيديوهات كتير انتشرت علي السوشال ميديا بسبب الموضوع ده،طيب ازاي تعرف ان البطارية اللي في الموبايل تمام،لازم تحط الموبايل علي ظهره ولفه بشدة لو لف بشكل مستمر وطويل يبقي البطارية منتفخة والبطارية محتاجة تتغير،اما لو لفيته واستقر علطول يبقي البطارية تمام ومتقلقش منها،وبرضه تختبر زمن الشحن وتفريغ البطارية.
- رابعا الرام والروم:
الرام والروم مهمين جدا جدا جدا وعلشان تكون فاهم كويس الرام هي المعروفة بذاكرة الوصول العشوائية اللي هي مسؤلة عن سرعة الموبايل اما الروم فديه بقي مساحة التخزين الداخلية،ليه بقي هما مهمين كده اكيد لانهم بيساعدوا المعالج في الاداء العام وبيفرقوا كتير اوي في الاستخدام،لذلك لازم تختار موبايل لا يقل عن رام 3 ومساحة تخزين 32 وديه اقل حاجة ومينفعش اقل من كده علشان متندمش وده كلام عن تجارب كتير.
حاجات مهمة اخيرا
بص ياصديقي طلاما موبايل مستعمل يبقي لازم تشتريه بالكرتونة بتاعته بلاش موبايلات بدون كراتين الله يكرمك ممكن تورط نفسك في حوارات انت في غني عنها،ومتنساش اكيد يعني ورقة المبايعة علشات تضمن حقك بشكل مضمون،ولازم برضه تجرب التليفون كويس اوي وبلاش تثق في اي حد مبقاش في حد محل للثقة خلاص،واعمل اختبار للروت برضه لو الموبايل معمول عليه روت بلاش تشتريه وابعد عنه فورا وعلشان تعرف ده بيتعمل ازاي حمل برنامج علي الموبايل اسمه ( روت شيكر ) او اختبار الروت من جوجل بلاي.
وفي حاجات تانية كتير ولكن ده كان المهم في الموضوع كله،فاتمني تكون استفدت من الموضوع ولو استفدت وعجبك الموضوع ده يبقي من فضلك اعمل متابعة للموقع وكمان علق بكومنت في التعليقات تحت علشانتتابع معانا كل جديد في عالم التكنولوجيا اول باول.